الندم ...اول طريق الضياع

اصعب احساس انك تعيش حياتك ندمان على حاجة عملتها قبل كدة ميعديش ساعة عليك الا لما تتمنى ان الوقت يرجع بيك لورا تانى عشان تغير الحاجة دة و يا ريت الندم بينفع فحاجة و يا ريت الاسف بينفع كنا غيرنا حاجات كتير بنلاقى نفسنا فعلا ماشيين فى طريق ملوش اخر ضايعين مبقاش يفرق معانا حاجة هنخسر اية يعنى اكتر من اللى خسرناة و لا حاجة حتى نفسك خسرتها ..و لما تبدا تفكر انت اصلا لية فى الاول عملت كدة تلاقى عشان اسباب تافهة جدا و متستاهلش اللى انت وصلتلة دلوقتى بس فى الاول و فى الاخر دة كان بسببك انت و بيقولو اللى بيعمل حاجة يتحمل نتيجتها بس للاسف بتكون نتيجتها صعبة جدا و صعب انك تتحملها

شكرا طبعا علي موضوعك ياميرنا بس تقبلي راي
الندم اصعب احساس بس مش لازم نقسي علي نفسنا وبعدين ممكن نكون غلط وعارفين ان الحاجة الي بنعملها غلط دي لازم نندم عليها
بس لما نفكر الف مرة في الحاجة واخترنا وكان الاختيار في نظرنا وقتها هو السليم ومطلعش الاختيار الصح
اكيد بنزعل بس هنا مش لازم نندم لاننا مش قاصدين الغلط بعينة ساعتها نقول دا قدر ونرضي بالواقع ونتعلم لبكره

عندك حق ان فعلا دة قدر و لازم نرضى بية بس بردة هرجع اقولك ان فى حاجات بتبقى غالية علينا اوى لما بنفقدها بعي العمر كلة ندمانيين عليها لان حياتنا مبقاش ليها طعم و لا لازمة من غيرها و للاسف بنعرف كدة متاخر بعد ما نضيعها و لو مكنتش الحاجة دة غاليىة و تستاهل مكناش حبناها اوى لدرجة اننا ندمانيين اننا ضيعناها

وميرسي مرة تانية علي موضوعك ميرنا

ميرسى يا ماجيك على مرورك و رايك انت عندك حق جدا فى اللى انت قلتة بس انا بتكلم فى الى انت قلتة فى الاخر ان فى ناس مش بتفوق من الى حصلها و بتقعد تندم على حاجة ضاعت و تستناها انها ترجع يعنى لا بتتقدم و لا بتتاخر مش بتندك انها عملت كدة بس بتندم انها خسرت الحاجة دة اللى هى اصلا ممكن تكون كويسة و ممكن تكون وحشة و بتقفل حياتها على الحاجة دة ...

انا بجد معجب بارائكم جدا
والنقاش بينكم جامدوممتع للي يقرا الموضوع
وياريت نكتر من المواضيع دي
لان بجد بنستفيد منها

شكرا على رايك و بجد يا ريت نعمل كدة ...و شكرا على مرورك