انــكــــــــســار شــجـــــاع

كل يوم بعمري لك فـراغ كبيـر
كن عمري بدونك من ضياع بضياع
والله إني بعد فرقـاك مانـي بخيـر
مثل حاجة فقارى وانكسارة شجاع
غبت والحزن في عيني وقلبي كسيـر
وانتهت كل مزنه وامحلت كل قـاع
ارتباط المشاعـر وافتـراق المصيـر
ضيقة ما تروح وحمل ما يستطـاع
واختناقة عيوني وانجـراح المصيـر
أول أعراض بعدك في نهار الـوداع
صبري اللي تعرفه فالشدايد جديـر
انكسر منه مجدافي وطاح الشـراع
فاقدك وأعترف لك كان فقدك مرير
كن الأحزان ميزاني وفرقاك صـاع
كل ما لاح برق وكل مارف طيـر
أتذكرك وأدخـل عالـم الالتيـاع
وكل ما مر لك طاري وجفني سهير
صار قلبي وليمة والطواري جيـاع
شبت من لوعة الفرقا وتوي صغيـر
حسبي الله على حزني تقول انطبـاع
كل شوق لغيرك في غيابك ضريـر
وكل حب بعد حبك مجرد خـداع
ايه محتاجلك مثل احتيـاج الفقيـر
للغنى بس فقـرة ينتزعـه انتـزاع
وينك؟أرجوك ما باقي بعمري كثير
وأنت فرقاك هم وفي وصالك متاع
لا يطول الغياب وينكسر بك كبير
طالبك كل شي إلا انكسار الشجاع